لاترتجي عفوي انا هم غلطان
لان الغلط مني احبك واغليك
ما كنت باصدق اذا انت خوان
ادري بتفكيرك وادري بتعاليك
دمعة قلم كانت للاوراق عنوان
ماتنمسح دايم على ذكر طاريك
كانت معي كلمه اذا كنت زعلان
دايم اكررها عسى الله يهديك
حتى وانا نايم اشوفك بالاحزان
خايف عليّ تبعد وخايف اخليك
غفوة حلم مرة وانا كنت سهران
في عز نوم الفرح اساير شكاويك
لا حب ينفع لك ولادمع الاعيان
تدري احس انه خاب الرجا فيك
دوقتني جرحك على كل الاوزان
ما بعتقد واحد في صبري يجاريك
طعم الغدر دقته مع كل فنجان
من قهوة اوجاعك تقدمها بيديك
لا تعتذر مني... اذا كنت ندمان
لاني صبرة ونلت كل الجفافيك
عفوك هذاك الله ماهو عند انسان
ما اعتقد انسان من الذنب يعفيك
اطلب رضا ربك تراى الله رحمان
يرحمك من ذنبي بكثرة دعاويك
اما انا ببعد ......ونور البعد بان
وانت معك غيري بحبه يسليك
لا تظن برجع لك اذا عــدة ازمان
ما اظن برجع لك ولو كنت ابغيك
تحسب قراري صعب ببعد انا الان
ما ظنتي تبكي وبعدي يبكيك
با قول لك كلمه و ماني بندمان
الموت ارحم لي من نظرتي ليك
الحب دمرته..... ولا كنت سالان
واليوم تبغاني من اللوم اعيفيك
لا ترتجي عفوي انا هم غلطان
اعطيت لك حبي وظاع الوفافيك
عسها تعجبكم