تحية رقيقة لأرواحكم العذبة
اشتقت لخط القلم بهذا القسم
تقبلوني
،
:
،
ياشين وقتً حدى المشتاق عن خله
وقـف بدربه وعــاش الحب من دونه
انا اشهـد ان الـهـوى للمـهــتوي عـله
لاصـار حظه تردى وخابت اظنونه
والـلي سواتي يجـر الــصوت ويـتـله
ومن حر مابه يعض الغبن بسنونه
مـغير اهـوجـس ودمـعي دايم اهـله
لامـن لمحــته وشفـت الحـب بعــيونه
قـريب مـني ولـكـن مـقـدر آصـله
مـابـيني وبـينه الا امتار مـضمـونه
مـاردني عـنه غــير الـدين والـمـلـه
وعاداتنا اللي تضد العشق وجنونه
حسبي على الوقت محرم عيني الطله
وانا عيوني على لقياه مفتوووونه
ودي ابين مشـاعــر حب مـنهـله
واشعاري اللي لها عامين مدفونه
واشكيله الحال من دقه ليا جلـه
واعلمه عن سهوم الحب وطعونه
وانـي بـنـيت المـحبه والـغـلا كله
من قبل بالشال والبرقع يغطونه
ماهو بحبً جيوش الغدر تحتله
ولاهو بحبً ظروف الوقت يمحونه
حبً غلاته تعلت كل خلق الله
ساس الشرف مقصده والحب مضمونه
ويالله عسى الوقت يجمع خل مع خله
ويشفي كبودن لها عامين مغبووونه
.
،
.
مما راق لي